*******************************
စ/ဆုံး
မင်းလူ #crd
ခါတိုင်းနေ့များလိုပင် မနက်ခုနစ်နာရီ အိပ်ရာမှနိုးသည်။ မျက်နှာသစ်ပြီး ကော်ဖီပူပူကို
တစ်ဝက်လောက်သောက်သည်။ ပြီးတော့ လေ့ကျင့်ခန်းလုပ်သည်။ အထူးသဖြင့် ခါးလေ့ကျင့်ခန်း။
ခါးမထွက်အောင်၊ ဗိုက်ခေါက်မထွက်အောင်။ လေ့ကျင့်ခန်းပြီးတော့ ရေချိုးသည်။ အနည်းငယ် အလှပြင်သည်။ အဝတ်အစားလဲသည်။ ပြီးတော့ ဒေါ်လေး ပြင်ဆင်ထားသော မုန့်ဟင်းခါးစားသည်။ ကော်ဖီတစ်ခွက် ထပ်သောက်သည်။
ရှစ်နာရီခွဲတွင် အဆင်သင့်ဖြစ်နေ၏။ ကိုးနာရီ ကားလာကြိုမည်။ အိမ်ရှေ့ခန်းတွင် ထိုင်စောင့်သည်။ ရုပ်ရှင်မဂ္ဂဇင်းကိုယူ၍ သူ့အကြောင်းရေးထားသော ဆောင်းပါး တတိယအကြိမ် ဖတ်သည်။
ပြီးခဲ့သော ဇာတ်ကားနှစ်ကားတွင် ဒုတိယမင်းသမီးအဖြစ် သူသရုပ်ဆောင်ကောင်းခဲ့ပုံအကြောင်း၊
ယခုရိုက်ကူးဆဲ “ပိတ်ကားပေါ်တွင် ဆက်လက်ရှုစားပါ” ဇာတ်ကားတွင် ခေါင်းဆောင်မင်းသမီးအဖြစ်
ပါဝင်မည်ဖြစ်ကြောင်း၊ အရည်အချင်း ပြည့်ဝသူဖြစ်၍ အောင်မြင်မည်မှာ သေချာကြောင်း ပါဝင်၏။
သူ ကျေနပ်နှစ်သိမ့်နေဆဲ.... တယ်လီဖုန်းခေါင်းလောင်းသံ မြည်လာသောကြောင့် သူ ဆတ်ခနဲ
လန့်သွားသည်။ ခေါင်းလောင်းသံ နောက်တစ်ကြိမ် ထပ်မြည်လာသည်။ တယ်လီဖုန်းရှိရာသို့
ခပ်ဖြည်းဖြည်းလျှောက်သွားသည်။ ဒေါ်လေး ပြေးထွက်လာပြီး သူ့ကိုမြင်မှ နောက်ဖေးသို့ ပြန်ဝင်သွားသည်။
“ဟဲလို”
“အတင့်လား”
“ဟုတ်ကဲ့”
“အစ်ကိုကြီးပါ”
“ဟုတ်ကဲ့”
“အစ်ကိုကြီး ဒီနေ့ ရှူတင်ကို မလာနိုင်ဘူး၊ လေလံကိစ္စတွေ ရှိနေလို့၊ အဲဒါ”
သူဘာမျှပြန်မပြောဘဲ နားထောင်နေလိုက်၏။ တစ်ဖက်မှ ဆက်ပြောသည်။
“အဲဒါ ခြံထဲကို လာခဲ့မလား”
“ရှူတင်က စောစောပြီးပါ့မလား”
“ပြီးပါတယ်၊ မင်းသားက ခြောက်နာရီအထိပဲ ရမယ်လို့ ပြောထားတယ်”
သူ ပြန်မဖြေ။
“ဟင်.. ဘယ်လိုလဲကွယ်”
“ဟုတ်ကဲ့၊ အဆင်ပြေရင် လာခဲ့ပါ့မယ်”
“အိုကေနော် (အသံကိုနှိမ့်၍) စောစောကတည်းက ဖုန်းဆက်မလို့ဟာ၊ အိမ်ကဟာကြီး ရှိနေလို့၊ အခု
သူသွားလို့ ဆက်တာ၊ ဒီနေ့ ဝိုင်းရှိတယ်ထင်တယ်၊ သူ ဖဲရိုက်တတ်တာပဲ ခပ်ကောင်းကောင်းရယ်၊ ဟေ..
ဟေ့”
သူကလည်း နည်းနည်းရယ်သည်။
“ညနေ စောင့်နေနော်၊ သြော်.. ဒါနဲ့ ညနေကျရင် အတင့်ကို ပြစရာတစ်ခု ရှိတယ်”
“ဘာလဲ”
ဟု လွှတ်ခနဲ မေးမိသည်။
“အို.. ဟို၊ အခုပြောလို့ ဘယ်ဖြစ်မလဲ၊ ညနေကျမှ အံ့သြသွားအောင် ပြမယ်၊ အတင့်ကလည်း.... အေး..
အေး ချလိုက်”
“ရှင်”
“သြော်.. မဟုတ်ပါဘူး၊ ဒီမှာ ပစ္စည်းတွေ လာချလို့၊ ဒါပဲနော်၊ ဘိုင်.. ပြွတ်”
ပြွတ်ဆိုသောအသံမှာ တယ်လီဖုန်းထဲမှနေ၍ အနမ်းသံ လုပ်ပြခြင်းဖြစ်သည်။
သူ နားလည်လိုက်၏။ ညနေကျလျှင် ဆွဲကြိုး၊ လက်စွပ်၊ နားကပ် တစ်ခုခုကို သူရလိမ့်မည်။
“အကျိုးပြု ရုပ်ရှင်ဖြန့်ချိရေး” ပိုင်ရှင် ဦးကျင်တီ ဖြစ်ပါသည်။ အသက်ငါးဆယ်နီးပါး ရှိပြီဖြစ်သော်လည်း
သန်မာဖျတ်လတ်တုန်း၊ စီးပွားရေးလုပ်ငန်းကို ကျယ်ကျယ်ပြန့်ပြန့် လုပ်သည်။ မော်တော်တွေ ရှိသည်။
အဝေးပြေးကုန်တင်ကား ထောင်ထားသည်။ လေလံဆွဲသည်။ ရိုက်ပြီးသား ရုပ်ရှင်ကားတွေကို
ဝယ်ယူဖြန့်ချိသကဲ့သို့ ကိုယ်တိုင် ငွေရင်းစိုက် ထုတ်လုပ်ဖြန့်ချိခြင်းကိုလည်း ပြုလုပ်သည်။
“ပိတ်ကားပေါ်တွင် ဆက်လက်ရှုစားပါ” ဇာတ်ကားအတွက် ငွေရင်းစိုက်ထုတ်သူမှာလည်း ဦးကျင်တီပင်။ထိုဇာတ်ကားတွင် သူ့ကို ခေါင်းဆောင်မင်းသမီးအဖြစ် တင်ရိုက်ရန် ဆုံးဖြတ်ခဲ့သူမှာလည်း ဦးကျင်တီပင်။ထိုမျှမကသေး။ အခု သူ နေနေရသော အိမ်ကလေးသည်ပင် ဦးကျင်တီက ငှားပေးထားခြင်း ဖြစ်၏။ ဒီလောက်ဆိုလျှင် သူတို့နှစ်ယောက်၏ အခြေအနေကို နားလည်လောက်ပြီ ထင်ပါသည်။ တစ်ခုတော့
ကျန်သေးသည်။ ခုန တယ်လီဖုန်းပြောစဉ်က “ခြံကိုလာခဲ့မလား” ဆိုသော ဦးကျင်တီ၏ စကား။
ခြံဆိုသည်မှာ ကမာရွတ်ဘက်ရှိ ခြံဝင်းတစ်ခု။ ယင်းအတွင်းမှ အိမ်ကလေးတစ်လုံး။ ခြံစောင့်တစ်ယောက်မှ
လွဲ၍ ဘယ်သူမျှမရှိ။
မှန်၏။ သူတို့နှစ်ယောက် ချိန်းတွေ့နေကျနေရာ။
၂
အိမ်ရှေ့မှ ကားဟွန်းသံ ကြားရသည်။
“မမ ကားရောက်ပြီ” ဟု လာမပြောဘဲ ဟွန်းတီး၍ခေါ်သောကြောင့် ဒရိုင်ဘာကောင်လေး
မဟုတ်ကြောင်း သိသည်။ ဦးကျင်တီ၏ သားအကြီးကောင် ဖြစ်ရမည်။
“ဒေါ်လေး.. ကားရောက်ပြီ” ဟု လှမ်းပြောလိုက်၏။ ဒေါ်လေးက ဆံပင်ကိုပတ်ရင်း သုတ်သီးသုတ်ပျာ
ထွက်လာသည်။ သူကိုင်ထားသော အဝတ်အစားသေတ္တာကို ဒေါ်လေး လာဆွဲသည်။
“နေပါစေ ဒေါ်လေး၊ ကျွန်မဘာသာ ကိုင်မယ်”
သူထင်ထားသည့်အတိုင်းပင် ဦးကျင်တီ၏သား လာကြိုခြင်း ဖြစ်သည်။ ကားရှေ့ခန်းတံခါးကို အဆင်သင့် ဖွင့်ထားသောကြောင့် ရှေ့မှာပင် ထိုင်စေလိုကြောင်း သိသာသည်။ သူ ရှေ့မှာ ဝင်ထိုင်လိုက်၏။ ဒေါ်လေးက အနောက်ခန်းမှာ အလိုက်သိစွာ ဝင်ထိုင်လိုက်သည်။ ဒေါ်လေးဆိုသည်ကား ရုပ်သေးအုပ်ထိန်းသူမျှသာ။
“သေတ္တာကို နောက်ခန်းထဲ ထားလိုက်ပါလား”
ပြောပြောဆိုဆို သေတ္တာလက်ကိုင်ကို ကိုင်ထားသော သူ့လက်ပေါ်သို့ အုပ်ဖွဲ့၍ ကိုင်သည်။ သူ
မသိချင်ယောင်ဆောင်၍ လက်ကိုရုပ်လိုက်၏။ ဒီလောက်တော့ ကိစ္စမရှိ။ ရိုက်ကွင်းပေါ်ရောက်လျှင်
မင်းသား၏ ပွေ့ဖက်ခြင်းကိုပင် ခံရဦးမည်။ အလုပ်သဘောပဲ ထားပါတော့။
မြမြတင့် (ခေါ်) ရုပ်ရှင်မင်းသမီး ဒေဝီ။
၃
စတူဒီယိုသို့ ရောက်သွားသောအချိန်တွင် တစ်ယောက်သောသူမှလွဲ၍ လူစုံနေပြီ။ သူနှင့်
တွဲဖက်သရုပ်ဆောင်ရမည့် မင်းသမီးကြီးပင် ရောက်နေပြီ။ ဒါရိုက်တာ ကိုကျော်စိန်ကား စက်အဖွဲ့သားများနှင့် ရေနွေးကြမ်းသောက်ရင်း စကားပြောနေကြသည်။ မင်းသမီးကြီးကို ပြုံးပြနှုတ်ဆက်ပြီးနောက် ကိုကျော်စိန်ဆီသို့ လျှောက်သွားသည်။
“ကျွန်မရောက်ပြီ ဆရာ”
“သြော်.. ဟုတ်ကဲ့၊ မင်းသား သွားခေါ်နေပြီ ထင်တယ်၊ သူရောက်ရင် စကြတာပေါ့”
“ကျွန်မ မိတ်ကပ်လိမ်းတော့မယ် ဆရာ”
ကိုကျော်စိန်က ခေါင်းညိတ်ပြသည်။
စောစောက မင်းသမီးကြီးအနားသို့ သွားထိုင်သည်။
“မမမိ.. ရောက်နေတာ ကြာပြီလား”
“မကြာသေးပါဘူးကွယ်၊ ရှေ့ဆင့်နောက်ဆင့်ပါပဲ”
သို့ရာတွင် မင်းသမီးကြီး မမမိသည် မိတ်ကပ်လိမ်းပြီးနေပြီ။ အိမ်ကတည်းက လိမ်းထားတာ ဖြစ်မည်။
မမမိသည် တစ်ချိန်က နာမည်ကျော်မင်းသမီး ဖြစ်သည်။ အခုအချိန်မှာတော့ နာမည်ကျစပြုနေပြီ။
အသက်ကလည်း လေးဆယ်နီးနေပြီကိုး။ နောက်ငါးနှစ်ဆိုလျှင် အဒေါ်ခန်း၊ အမေခန်းတို့လောက်သာ
သရုပ်ဆောင်နိုင်ပေတော့မည်။ အတင့် မိတ်ကပ်လိမ်းသည်။ သူ့ဘာသာလိမ်းခြင်း မဟုတ်ပါ။ မိတ်ကပ်ဆရာတစ်ယောက်က လိမ်းပေးခြင်း ဖြစ်သည်။
မိတ်ကပ်လိမ်းနေတုန်း ဦးကျင်တီ၏ သားအကြီးကောင် ရောက်လာပြန်သည်။
“လိမ္မော်ရည်သောက်မလား” ဟု မေးသည်။ မမမိ ရှိနေလျက်နှင့် သူတစ်ယောက်တည်းကို
ကွက်၍မေးသောကြောင့် မမမိကို အားနာသွားသည်။
“မမမိ သောက်မလား” ဟု အတင့်က လှမ်းမေးသည်။ မမမိက ပြုံးပြီး ခေါင်းခါပြသည်။ သူလည်း
ခေါင်းခါလိုက်သည်။
၎
နောက်ဆုံးကျန်ရှိနေသောသူ ရောက်လာသည်။ သူမရှိလျှင် ဘာမျှ လုပ်လို့မရနိုင်လောက်အောင်
အရေးပါသောသူ။ အားလုံးက “ကိုထက်” ဟု ခေါ်ကြသော နိုင်ငံကျော်ရုပ်ရှင်မင်းသား “သူထက်သူ”။ သူသည်
အတန်ငယ်ပွေ၏။ သို့ရာတွင် ရိုက်ကွင်းပေါ်တွင် စည်းကမ်းရှိသည်။ သူ့တာဝန် သူကျေပွန်သည်။
နောက်ကျမှ ရောက်တတ်ခြင်းနှင့် စောစောပြန်လိုခြင်းတို့ကိုတော့ နိုင်ငံကျော်မင်းသားမို့ ခွင့်လွှတ်နိုင်စရာ
ရှိပါသည်။ သူသည်လည်း ကိုကျော်စိန်ကို အလျင်ဦးစွာ သွားရောက်နှုတ်ဆက်သည်။ နာမည်ကျော် ရုပ်ရှင်မင်းသား၊ မင်းသမီးတို့သည် မာနကြီးသည်၊ ဒါရိုက်တာကို ဂရုဓမ္မမပြုဟု ထင်နေကြသည်မှာ တစ်ချို့တစ်ဝက်တော့ မှန်ပါသည်။
နာမည်မရသေးသော၊ နာမည်ရသော်လည်း အရည်အချင်း သိပ်မရှိသော၊ အရည်အချင်း ရှိသော်လည်း သဘောကောင်းလွန်းအားကြီးသော ဒါရိုက်တာများ အပေါ်၌ အထက်ပါသဘောမျိုး
ဆက်ဆံလေ့ရှိကြသည်။ ကိုကျော်စိန်တို့လို အရည်အချင်းရှိပြီး ထက်လည်းထက်သော ဒါရိုက်တာများကိုမူ
သူတို့ တလေးတစား ဆက်ဆံတတ်ကြသည်။
ကိုထက်သည် မမမိနှင့် အတင့်ကိုပါ နှုတ်ဆက်ပြီးနောက် မိတ်ကပ်လိမ်းသည်။ သူမိတ်ကပ်လိမ်းတာ သိပ်မကြာလှပါ။ လိမ်းသည် ဆိုရုံမျှသာ ဖြစ်သည်။ သူ့မျက်နှာပေါ်မှာ လွန်ကဲနေသောအရာများ ဥပမာ (နှာခေါင်း) ကို မိတ်ကပ်ဖြင့် ဖြေပေးခြင်းလောက်သာ ဖြစ်၏။
ထိုအချိန်တွင် ကိုကျော်စိန်နှင့် စက်အဖွဲ့သားများ အလုပ်များနေကြလေပြီ။ ကင်မရာရှုထောင့် ရွေးချယ်ခြင်း၊
မီးချိန်ခြင်း၊ ယခုအခန်းတွင် ပါဝင်မည့် ပရိဘောဂပစ္စည်းများ နေရာချခြင်း၊ အားလုံး အဆင်သင့်ဖြစ်သောအခါ ဆယ့်တစ်နာရီထိုးပြီ။
၅
“ယုယုရယ်.. အခုလို ခိုးကြောင်ခိုးဝှက် ချစ်နေရတာ အားမရနိုင်တော့ဘူးကွယ်၊ လွတ်လွတ်လပ်လပ်
နေချင်လှပြီ”
“ယုယုကလည်း ဒီလိုပဲပေါ့ မောင်ရယ်၊ ဒါပေမယ့် အငယ်အနှောင်း ဘဝနဲ့တော့ မဖြစ်နိုင်ဘူးထင်တယ်”
“အို.. ယုယုကလည်း၊ ဘယ်သူက အငယ်အနှောင်းလိုထားမယ် ပြောလို့လဲ”
“မောင်နဲ့ မခင်မိနဲ့က ပြတ်မှ မပြတ်သေးဘဲ”
“မောင်လည်း အချိန်အခါကို စောင့်နေတာပါ၊ အဆင်သင့်တာနဲ့ ကိစ္စပြတ်အောင်လုပ်မှာပါ”
“ကတ်”
ကိုထက်နှင့် အတင့်တို့၏ အခန်းများကို အရင်ရိုက်သည်။ မောင် (ကိုထက်)နှင့် ယုယု (အတင့်)တို့၏
အိမ်ရှေ့ခန်းတွင် စကားပြောနေကြပုံကို သုံးလေးကတ်လောက် ရိုက်သည်။
နေ့လည် တစ်နာရီလောက်မှ ထမင်းစားချိန် ခဏနားသည်။ အများအတွက်က ဝက်သားဟင်း။ မင်းသား၊ မင်းသမီးတွေ အတွက်ကတော့ ဝက်သားက တစ်ခွက်၊ ကြက်သားက တစ်ခွက်၊ ငါးကြော်၊ အစိမ်းကြော်၊ ဟင်းချို၊ မရမ်းသီးသုပ် စသည်....။ ထမင်းစားပြီးလျှင် စားဖို့ လက်ဖက်သုပ်လည်း ပါသည်။
ဒါရိုက်တာကိုကျော်စိန် တစ်ယောက်ကတော့ သူတို့နှင့် တူတူမစား။ စက်အဖွဲ့သားများနှင့်ပင် ဝိုင်းဖွဲ့၍
စားသည်။
မည်သို့ပင်ဖြစ်စေ အလုပ်သမားများအဖို့ ဒီနေ့ ဖောဖောသီသီ စားရသည်ဟု ဆိုရပါမည်။ အကြောင်းမှာ ဒီနေ့ ဦးကျင်တီ မလာသောကြောင့် ဖြစ်လေသည်။ ပြီးတော့လည်း သူမရှိသောကြောင့်
ထမင်းစားပြီးချိန်တွင် ခဏတဖြုတ် နားနေခွင့်ရသည်။ ရိုက်ကွင်းပေါ်မှာ သူရှိနေသော အချိန်ဆိုလျှင် အစဉ်အမြဲ လောဆော်နေတတ်၏။ သူ့အဖို့ သရုပ်ဆောင်ကောင်းခြင်း၊ မကောင်းခြင်းထက် ဖလင်ပေများများကျဖို့သာ ပဓာနဖြစ်သည်။ ကိုကျော်စိန်နှင့် မကြာခဏ စကားများတတ်၏။
ဒီနေ့ သူ့သားကြီးနှင့် လွှဲထားသောကြောင့် အတန်ငယ် သက်သာနေခြင်းပင်။ ဒီအကြီးကောင်ကတော့ ငပေါ။ အတင့်အနား ကပ်နေရလျှင်၊ ရိသဲ့သဲ့ လုပ်နေရလျှင် ကျေနပ်နေတတ်၏။
ကိုကျော်စိန်ကလည်း နောက်ရိုက်မည့်အခန်းများသည် အရေးကြီးသောကြောင့် နားနားနေနေ နေပြီးမှ
ဆက်ရိုက်ချင်သည်။ ကိုထက်သည်လည်းကောင်း၊ အတင့်သည်လည်ကောင်း၊ မမမိသည်လည်ကောင်း ထမင်းကို များများမစားကြ။ ကိုယ်ကာယ ပုံပျက်မည် စိုးသောကြောင့်လည် ဖြစ်သည်။ ပြည့်အင့်နေလျှင်
သရုပ်ဆောင်ရာတွင် အခက်အခဲတွေ့မည် စိုးသောကြောင့်လည်း ဖြစ်သည်။
၆
နှစ်နာရီလောက်တွင် ပြန်စသည်။
မောင်က ယုယု၏ ခါးကိုဖက်၍ အတွင်းခန်းထဲသို့ ခေါ်သွားသည်။ ယုယုက ငြင်းဆန်ရင်းပင်
လိုက်ပါသွားသည်။
အတွင်းခန်း နှစ်ယောက်အိပ်ခုတင်ပေါ်မှာ ထိုင်နေသည်။ မောင်က ယုယု၏ လက်မောင်းနှစ်ဖက်ကို
ကိုင်ထားသည်။ ယုယု မျက်လွှာချထား၏။
ယုယု၏ ကျောဘက်မှ အမြင်။
မောင်က ယုယုကို သိုင်းဖက်ထားသည်။
မောင့်ကျောဘက်မှ Aအမင်။
ယုယုသည်လည်း မောင့်ကို ပြန်ဖက်ထားသည်။
ဖက်ထားရာမှ ရုတ်တရက်ခွာလိုက်၊ အပေါက်ဝဘက်သို့ (ကင်မရာဘက်သို့) အထိတ်တလန့် လှည့်ကြည့်။
ထိုအခန်းများအပြီးတွင် သူတို့နှစ်ယောက် ခဏနားကြသည်။ မမမိအလှည့် ရောက်လာ၏။
အခန်းပေါက်ဝတွင် မမမိ ခါးထောက်၍ရပ်ရင်း ဒေါသမျက်နှာနှင့် ကြည့်နေသည်။
နောက်တစ်ကတ်။
မမမိ သရော်ပြုံး ပြုံးလိုက်ပြီး “သြော်.. ဒီလိုတောင် ဖြစ်နေကြမှကိုး” ဟု ပြောသည်။
မမမိ ကင်မရာဘက်သို့ လျှောက်လာသည်။ မောင် (ကိုထက်) က “မောင် ရှင်းပြပါရစေဦး” ဆိုပြီး
မမမိ၏လက်ကို ကိုင်သည်။ မမမိက ကိုထက်၏လက်ကို ခါထုတ်လိုက်၏။ ယုယု (အတင့်) နားသို့ မမမိ
တိုးကပ်သွားသည်။ အတင့် နောက်သို့ဆုတ်လိုက်၏။ နံရံထောင့်သို့ ကပ်သွားသည်။
မမမိမျက်နှာ အနီးကပ်။ ဝင်းဝင်းတောက်နေသော မျက်လုံးများ။ နှုတ်ခမ်းကို ကိုက်လိုက်သည်။
မမမိနှင့် အတင့် နှစ်ယောက်တွဲ။ မမမိ၏လက်သည် အပေါ်သို့ မြောက်တက်သွားသည်။
“ကတ်”
၇
အရေးအကြီးဆုံး (ကတ်) အခန်း။
ယုယုနှင့် မမမိ ကိုယ်တစ်ပိုင်း။ မမမိက ဘေးတိုက်ခပ်စောင်းစောင်း။ ယုယု မျက်နှာအတည့်။
မမမိသည် ယုယု၏ပါးကို ချိန်ဆ၍ ရိုက်လိုက်သည်။ ဒီလိုနေရာမျိုးတွင် မမမိက ဝါရင့်ပြီးသား။
ကင်မရာထဲက မြင်ကွင်းတွင် တကယ်ရိုက်လိုက်သည်ဟု ထင်အောင် အတင့်၏ပါးကိုလည်း အဖျားခတ်၍
ထိသည်ဆိုရုံမျှ ဖြစ်အောင် ချိန်ဆ၍ ရိုက်လိုက်ခြင်းဖြစ်သည်။ သို့ရာတွင်....
“ဟိုး”
ကိုကျော်စိန်၏ အသံ ထွက်လာသည်။ ကင်မရာရော၊ အသံဖမ်းစက်ပါ ရပ်သွားသည်။
မီးတွေ ပိတ်လိုက်ကြသည်။ အတင့်နှင့် မမမိတို့သည် သူတို့ ဘာမှားသွားမှန်း မသိကြ။
သူတို့နားရောက်လာသော ကိုကျော်စိန်ကို ပြိုင်တူကြည့်သည်။ မမမိက မေး၏။
“ကိုကျော်စိန်.. ဘာမကြိုက်လို့လဲ”
“ကောင်းပါတယ်.... မမမိရိုက်တာ ကောင်းပါတယ်၊ ဒါပေမယ့် အတင့်က အခံမကောင်းဘူး၊
ပြန်ရိုက်ရမယ်”
ကိုကျော်စိန်က....
“အတင့်.. ခဏလေး နားလိုက်ဦး၊ စိတ်ကို ဇာတ်လမ်းထဲမှာ မြှုပ်ထားလိုက်”
ဟု ပြောပြီး မမမိကို ခပ်လှမ်းလှမ်းသို့ ခေါ်သွားသည်။
ကိုကျော်စိန်က တစ်စုံတစ်ရာကို ခပ်တိုးတိုးပြောသည်။ မမမိက “ဖြစ်ပါ့မလား” ဟု ပြန်မေးသည်။
“ဖြစ်ပါတယ်၊ ကျွန်တော်ခိုင်းတာလို့ ပြော၊ ပြီးတော့ ဟိုဒိုင်ယာလော့ကို ခပ်ကျယ်ကျယ်လေး ပြောပေးပါ”
“ကဲ.... ပြန်စမယ်ဟေ့”
၈
စတူဒီယိုတစ်ခုလုံး တိတ်ဆိတ်နေသည်။ မီးမောင်းကြီးများသည် သူတို့နှစ်ယောက်အပေါ်သို့ အချိန်အဆ မှန်ကန်စွာ ထိုးထားကြသည်။ မမမိသည် အတင့်ကို အနေရခက်လောက်အောင် တစ်ချိန်လုံး စိုက်ကြည့်နေ၏။ အတင့်သည် မမမိ၏ အကြည့်ကို တဖြည်းဖြည်း ကြောက်လာသည်။ သူ့မျက်လုံးထဲ၌ အားငယ်မှု အရိပ်အယောင်များကို မြင်ရသည်နှင့် တစ်ပြိုင်နက် ကိုကျော်စိန်က လက်ပြအချက်ပေးလိုက်သည်။
“မောင်းပါ”
အသံဖမ်းဆရာ၏ အသံကို ကြားရသည်။
ကင်မရာမင်းသည် ခလုတ်ကို နှိပ်လိုက်၏။
“ဆင်း တွမ်တီဝမ်း၊ ကတ် နိုင်တင်း”
မမမိ၏ မျက်လုံးများသည် ရုတ်တရက် ပြူးကျယ်သွားသည်။ မမမိ၏နှုတ်မှ စကားတစ်ခွန်းသည်
ကျယ်လောင်စူးရှစွာ ထွက်ပေါ်လာသည်။
“လင်ခိုးမ”
အတင့် ဆတ်ခနဲ တုန်သွား၏။
ထိုအချိန်မှာပင် မမမိ၏ လက်ဝါးသည် အတင့်ပါးပေါ်သို့ ဖြန်းခနဲ အရှိန်ပြင်းစွာ ကျရောက်လာသည်။
အတင့်၏မျက်နှာသည် ချာခနဲ လည်ထွက်သွား၏။
ဆံပင်များသည် ပါးတစ်ခြမ်းပေါ်သို့ ဖရိုဖရဲ ဝဲကျလာသည်။ အတင့်သည် ဒီဘက်သို့ တဖြည်းဖြည်း
ပြန်လှည့်လာသည်။
သူ့ပါးပြင်ပေါ်တွင် လက်ဝါးရာ ရဲရဲထင်နေသည်။
၉
အတင့်သည် ကားပေါ်တွင် ငြိမ်သက်တိတ်ဆိတ်စွာ လိုက်ပါလာသည်။ ဒေါ်လေးသည် ဘာစကားမျှ မပြောဘဲ ကားအပြင်သို့ ငေးကြည့်နေသည်။ အတင့်၏ စိတ်ထဲတွင် နောက်ဆုံးရိုက်ခဲ့သော အခန်းကို စွဲလန်းနေဆဲ။
ကားမောင်းသောကောင်လေးက “မမ.. အိမ်ပြန်မှာလား” ဟု မေးသည်။
သူက ခဏမျှတွေ၍ စဉ်စားသည်။
ခေါင်းကို ဖြည်ညင်းစွာ ခါသည်။
သက်ပြင်းတစ်ချက်ကို စိတ်မသက်သာစွာ ချသည်။
သူ ပြန်ပြော၏။
“ခြံကိုမောင်းကွယ်”
ပါးပေါ်မှ အရိုက်ခံထားရသော နေရာကို ကိုင်ကြည့်မိသည်။ အခုထိ စပ်ဖျဉ်းဖျဉ်း ဖြစ်နေတုန်းပင်။
“အဲဒါ အကယ်ဒမီရှော့” ဟု ပြောလိုက်သော မမမိ၏ စကားကို သတိရသောအခါ ကျိတ်၍ ပြုံးမိပြန်သည်။
:-) :-) :-) :-) :-) :-) :-) :-) :-) :-) :-) :-)
*******@****@*******@******
မင်းလူ#crd
ရုပ်ရှင်မဂ္ဂဇင်း၊ မေ၊ ၁၉၈၀။
No comments:
Post a Comment